Qada rojê
Sed mexabin îro jî
Qada rojê par di be
Nexas têde bi lîzin
Ber șingîna peyala
Qelenkî giran buha
Pêșkêș dibe bi merdî
Bedawa cîhanê tev
Xewna kur û mindala
Cîhan bi carek rabû
Ta em bi te șa nebin
Hêviyê me koçkirin
Li diryan û newala
Nextê te xwîne herdem
Me da ji sedê sala
Ta iro tê rijandin
Ji hêl karkir û pala
Gelî tevde bi xwînê
Kirin cobar û kanî
Kevrê hîm û zinara
Man bergorê qirala
Qelen pê qelen me da
Ta go em aza bijîn
Tirk û faris û ereb
Rê nedan bav û kala
Șûrê olî. disûnin
Li gerdena me kurda
Pêmayê pêximberin
Xwedyê xișt û gopala
Agir bikev dîrokê
Rastiyê di xapîne
Ristem û selahedîn
Hûn kirin xwedyê ala
Kuștin ne dawya mine
Daramin her șîn dibe
Kok û reha wê kûre
Xwe digșîne ji sala
