شو القصه يا شيخ ياسين
جيوبك مليانين
معقوله يكونو حصّه
لحمة ضانه وفدادين
عيونك زرق سنانك فرق
بتشبه بو علي بوتين
رزق الله أيام الجوع
كان زادك قرّه وسلبين
وتعمل حفله بقلب الدار
لمّا اللي تاكل سردين
وتقضيها بشهور الصيف
شواف وخبز مع تين
قالولي متوصّى فيك
وعا ضيعتنا عامل ديك
وفي عالم قالو محسوب
عا الاخوه الإيرانيين
وقالو عم بتجيك وفود
من حمص وخارج لحدود
ومن جبله بيجيك زوّار
من الشيخ بدر ومن بيصين
ودار ونار للزوّار
فطاير ولحم بعجين
قالولي بتحاكي الجان
وبتعمل حالك فهمان
عا الهدا يا سوبر مان
أنت ِ من تجار الدين
قالو عم تعطي استثنا ء
للجنّه وحواريها
بحياتك لا تنساني
بجنّة بيّك موعودين
بدي منّك حوريه
ومو ضروري العذريّه
وتأكد رح بيّض وجهك
عند ربّ العالمين
ياسين كل من تاجر بالدين
١/٢ عماد فجر بعريني
