Em cenga we dikin
Gulek min tê de tineye
ne sêva mendalekî ... !!
di çirava kînê de
Baxên xewnên min şîn nayên
Ez nikarim
ji qêrîna birçiyan
Ji îskeîska sêwiyan
stiranê tomar kirin ..?
helbestê tawankar bikim .. !!
2/12 / 2015.z
_______
silava min
li keviya poşmaniyê nehêle
ne wardozê bi tenê yî
berî te
gelek dildar derbas dibûn
û bayê evînê
dêmên wan sor dikirin ... !!
Li ser dîwarên zindanan
Ramûsan mohr dikirin…
De li kenê gulên min bizîvire
bila çûkê lûsiyayî
ji ser dilê bendewar
bi serbestî bifire… !!
7/19 / 2016.z
******************************
_____________
Werivandin
hatina te dereng ket
henasên min
rêbazên xwe winda dikin.
nivîsîka teknîkî
hest û nestan ziwa dike
rê na de ku giyanê min
bi serbestî bipişive
bibe hêtwan
bi ser lêvên lavedar de biwerive ...
2/10 / 19.z
***********************
