/// Helbesta min ////

Helbesta min

Helbesta min bengîn e
Bê gezo ye
Ti hinguv tê de nîne?
Ji bil xeman
Ji bil xewnan
Ji bil bangên kelogirî
Ji bil henasên nîvmirî
Tiştekî na weşîne
Helbesta min xemgîn e !! ...

Tenê tîpên min vedigire
Çiltûka hêviyên jaran bidêrin
Tenê peyvên min diwêrin
bin deriyê bendîxanan bixepêrin
çirûskekê
ji dilên bendewaran bihinêrin…

Şûborî dibêjî gulên min
Qert berê bilbilên min
Bêhna ku tê
Evînê na livîne
Dengê ku tê
Peyxamê nagihîne…

Di nav reqepolê de
Katjimêr bêkar bû
Li derveyî çerxa rê
Melav tarûmar bûye…

Dîdarê bobelatê me
Pêngavên min
astaqên rêçikan de çikilin
sîberên yaran
li ber çavên min dixilin
Peyv di ber min de dimîne
Axaftin na guvire
Qolinc di hinavan de na hêwire ..
Helbesta min xemgîne
Ji bil çend wateyên xav
ti bihreyê na firîne.

3/7 / 19.z
**********************