يا همّا لالي يا همّا لالي

^{يا همّا لالي يا همّا لالي
رجعنا لا زمن مولانا الوالي}

^{نصّ السوريي باعو الخلفيّه
والنصّ التاني
لبسو من البالي}

^{حرقو حنطتنا
وسرقو ربطتنا
وبكرا رح ناكل خبز نخاله
ويا همّا لالي على ها الحاله}

^{ومن ورا شوية عالم حثاله
صرنا عم نفتح كياس زباله}

^{ولحكومه لسا بتمانع فينا
العالم يا حكومه طلعت عن دينا
إذ راح شي مسؤول بعدو بيجينا
اوسخ من غيرو خسّه ونذاله
ويا هما لالي يا هما لالي}

^{يا همّا لالي الدوله مسروقا
والليره السوريي صارت محروقه
كلـو بيخلّد كلّو بيجدد
وعمرك ما بتسمع بإستقاله
ويا همّا لالي يا همّ ليالي}

^{عملو تحالف مجرم وقاضي
على ها العيشه
ما حدا راضي
نصّ السوريي صارو من الماضي
والنصّ التاني على النقّاله
يا همّا لالي ويا همّا لالي}

^{الحاله رح تبقى هيك وخربانه
وتكرّه فينا حتى اللبناني
تعوّد السوري يعيش عا الإعانه
من قمح الروس ونفط الملالي
ويا هما لالي. ويا همّا لالي}

^{جانا الصهيوني وجانا العصملّي
والغلّه راحت مع نفس الشلّه
شايفلك يا سوري فينا العلّه
منّا الخيانه ومنّا العماله
ويا هما لالي ويا هما لالي}

^{٧/٧
عماد فجر بعريني}