يا ساكنه بمشتى الحلو
وعندك جرن كبّه
وعا باب دارك ورد
عم ينشر عطر ومحبه
عشقت النبيذ الحلو
صبّي الخمر صبّي
جايي لعندك ها المسا
اسكر انا وربّي
حامل صليبك معي
وحاطّو بعبّي
قبّي طرف ها المنديل
تا شوف وجه الناصري
وشعّل القنديل
جايي انا بعيد الفصح
تا عايدك
منّي لا تتخبّي
وبارك بعيد الفصح
للسيده العذراء
واهلي مسيحيي الشرق
بالنبي اللي نادى بالسلام
ونَشر لمحبه
جايي لعندك أنا
والناسك الختيار
بكرا بجبل متى
بدي أعملّك مزار
جنب قبّة جعفر الطيار
ورح حطّك بقبّه
٤/٢٢
عماد فجر بعريني
