يا رايح خدني عا الشام
أشتقنا جبل قاسيون
وأمشي بدمر والهامه
ولـ قدسيا سلامي
وبدربي عا ميسلون
وبدي امشي بركن الدين
الميسات وساحة شمدين
وبرزه وجوبر والقابون
وبالمرجه رح حيي الشهدا
والقي التحيه لا بردى
وللمعرض عندي حنين
وبدي زور بواب الشام
باب شرقي وباب الجابي
وبباب توما شوف حبابي
وأقطف ورد الياسمين
وكحّل عيوني بحرمون
بدي زور الشام كلّا
من الحميديه أتحلّى
القباني وشارع الملا
المزه والمهاجرين
بدّي زور الغوطه كلا
وأشرب من مَيّة بقين
ومضايا والزبداني
وزور مخيّم فلسطين
وجيرود وأختا يبرود
النبك وقاره وتل منين
وأمشي بطريق المطار
وأسأل الشام شو صار
بعد غيبة سبع سنين
وبـ حرستا ازرع غار
بأسم كل السوريين
٥/٤
عماد فجر بعريني
