يا رايحه صوب النبع
وبيدك حامله الجرّه
والشال عم بيلوح ونازله الغرّه
شيلي عن الخصر الشال
ما بتهرب الصرّه
وساقيه غطّاها عشب
وجرجير مع قرّه
عيونك عتم كانون
بنظرا من عيوني أنفضح سرّا
وبلوز من لون الزهر
يمكن فلت زرّا
خوفي إذا راح الزرّ
يهرب الطير الحرّ
لاتنحني للنبع نصّو صار برّا
والشعر من لون الشمس
وخدود محمّره
وبين النحر والصدر تاهت نجوم المجرّه
قومي عا هاك المصطبه
نلعب نقش طرّه
وعا التالته بنلعب إذ ربحت الرهان
رح باخدك ضرّه
وعا الارجح انا خسران
بحمل عنّك الجرّه
١/٣/ عماد فجر بعريني
