هزّي بمنديلك هزّي
مهضومه وربّ العزّه
بتسوي قاره وتل منين
وكلشي سكنو بالمزّه
والقابون وركن الدين
وأبن النفيس وبرزه
بدّي أعمّلك ناطور
وعلى بيتك مفرزه
وها الشال لو مرّه مال
بيرمي الفارس والخيّال
وعيونك إذ عملو إنزال
بنظره بتتحرر غزه
وعيونك بتحارب إرهاب
بعفرين ومنبج والباب
ومن صوران لا عندان
وحريتان ودارة عزّه
هزّي بمنديلك بالغاب
القرداحه صلنفه وكسب
ورشي الورد عا إدلب
وأعطي لا الشهبا غمزه
الله خلقك مهضومه
البسمه بوشكّ مرسومه
قومي تا نسهر قومي
الك بقلبي معزّي
يا نجمه بـ قاسيون
عم تتفيا بـ أرزه
من خوفي من عيون الناس
بدّي علّقلك خرزه
هزّي بمنديلك هزّي
بسوريا كلّا أعتزي
من حوران لا صوران
وبالدرباسيه أعتزّي
ليمون يعانق زيتون
وكرمه وتفاح وكرزه
وحنطه وبيدر وحكايات
منسوجه بخيط القزّه
هزّي بمنديلك بالشام
وزوري الأطفال بالخيام
وقومي نغني للسلام
سوريي رمز العزّه
١/١٤/ عماد فجر بعريني
