من ضيعتنا ضاع الكرّ
برمت الدنيا ما لقيتو
كان يلبّط كان جعرّ
مدوّخني يخرب بيتو
خايف بكرا يقولو أنشق
يطلع برّا ويحكي الحق ّ
رح يطلع براسي الدقّ
ياما ثار وهدّيتو
بداري ما كان مربوط
الحريه كلّا أعطيتو
طلع الكرّ عندو سرّ
من يوم اللي اشتريتو
لو يرجع شي مرّه الكرّ
كنت بخاروف فديتو
جبتلّو حدوه من السهل
وسبع الغابه سميّتو
عملتلّو بالحاره كوخ
من خشب التوت بنيتو
الحقيقه من خوفي عليه
جبت مشايخ ورقيتو
كان خايف بكرا بيعو
ارخص من ما أشتريتو
ومن شي اربع خمس سنين
كان مهموم حسيّتو
لو عارف رح يتركني
كنت بكتير فديتو
١/٢٦ عماد فجر بعريني
