من شركة السيريا تيل

من شركة السيريا تيل
عقلي طار ورايح جنّ
واللي مجنني اكتر
             من شركة ال m t n 

 يا رامي تهدّا علينا
وعا ها الشعب السوري حنّ
لوما شهدا سوريا
                  كنت رحت بنهر السنّ

 رح فوت بصلب الموضوع
الشعب السوري ضربو الجوع
نشالله صوتي يكون مسموع
                   العالم صارت عم بتعنّ

 لا تقلي عنّا البستان
وكل ّ مليار تعطي فرنكين
العالم ما عادت عميان
                   حنّ علينا دخلك حنّ

 الصبح بندفع فاتوره
العصر بندفع فاتوره
ها العمر صار فاتوره
                  دولار بندفع مع ينّ 

 كرمال شوية وحدات
بندفع كيلو مصريات
خايف بكرا نبيع البيت
                ونروح نرقص بـ ستوديو الفنّ 

 رح قلك وين القصّه
عايش وبقلبي غصّه
بدي طالب بالحصّه
              شلّا يقولو عنّي جنّ 

 يا أبن خال بلادي
ليش بدك مني زياده
وأنت بقصر وسجاده
            وأنا بكيس خيش وقنّ

 قالو جهّز محامي
ها الرامي مو أيّا رامي
من مبارح هرّو عضامي
ولحالي جبت الكفنّ
 ١/١٠/ ٢٠١٩ عماد فجر بعريني