مقهور منّك يا دني وبعيوني نظره مسودنه

مقهور منّك يا دني
وبعيوني نظره مسودنه

طبعك ما طبّعني معك
وطبع البشر هدّني

والشعر شاب بسنّ الشباب
وكل ما فتح باب
تتسكّر بواب
والضَهر بلّش ينحني

وما ضل نوع من المرض إلا وزارني
وكل ما راحت سنه
من ها العمر بنطر سنه
غدار طبعك يا دني

متل الحلم راحت سنين الولدنه
والعمر كلّو حلم
رايح بعتمة ها الدني

وهموم الحياة ما فرّقت
ما بين محتاج وغني

ولا مين ضرب ناقوس
أو كبّر ببهو المئذنه

مقور منّك يا دني
٢/١٩ عماد فجر بعريني