مشتاق لبلادي ووصلت حدّ الجنون
مشتاق للتين للزيتون
للقرصعنه من ربى بمنه
للشوك للبلّان للطيون
مشتاق للسماق للدراق
للسنديان والزيزفون
مشتاق للنبعه للربعه
للقرّه والجرجير.... للهيلون
وامشي بحير الكاف
يا حيف شو صار بالبشر ياحيف
بعشب ااعيون
مشتاق للسجريق للزيزفون
للتقد للدفل للعيرون
وزبيب شغل السنه جايي من قفيلون
وكركي وكاس العرق
من تحت ديّات أمّون
للزعتر البرّي بضهر بو فهد
للميسره للميمنه وعشاش السنون
وهاك البنت يلّي بلّش صدرها أحمرار
والشعر بلّش عا شقار فوق العيون
مشتاق كلّ الشوق ترجع بلادي
بكرا شو بدي خبّر ولادي
عن نسب زينة نساء الكون
