مشايخنا عملو ثوره
وكتبو يسقط عيد الحُب
شيخ كان ماشي سكران
وشيخ عم يكفر ويسبّ
وعم بيقولو بدهن عيد
فيه ضانه ونعبّي بطون
شو نفع العيد بلا دهون
وكم كلمه من كتاب الربّ
وإذ ما عبيّنا الكروش
وبلّشنا بالعرق نغبّ
وشو نفع العيد بلا لحمّ
وبرغل مع حصّه مع قشم
ونكون مبشومين بَشمّ
والزفره توصل لا العبّ
وشيخ عم يهمس لا شيخ
بحضّي السفره كلنا الضرب
وشيخ عم بيقول لا شيخ
علينا بلش حربو الغرب
وشيخ محمول عا الكتف
معتوه بعيونو ضعف
بدّو يحلل لحم الخشف
ولحم اللقنفذ والأرنب
يا شيخ تهدّا علينا
وحاجي ترفس متل الدبّ
بعرف نفسك دنيّه
وبتاكل اللحمه نيّه
والحشا إن صرلك ياشيخ
ما بتوّفر لحم الربّ
لا تقلّي بدها كتيبه
وتسرق مالي من جيبي
مكشوفه يا حبيبي
حكمتك صار بدها كبّ
نصّ العالم واعيّه
ووصلنا لا عهد الطبّ
مشايخنا صارو عاله
وعا المزابل بدهن كبّ
٢/١٧ عماد فجر بعريني
