مبارح طلعلنا عكروت
من الوزاره عم يحكي
قال السوريي موساد
خصوصي يلّي عم يشكي
ولك آه لو أنو الموساد
شي ساعه يطلع يحكي
ما كنت بقيت ولا يوم
بها المنصب يا دونكي
وقبلو طلع حموده
وكان عم يضرب عا التنكه
قدّام شوية زعران
عاله وما فيهن بَركه
تهدّو علينا يا عاهه
وقولو ليش ها السفاهه
انتخبتكو العالم جاهه
طلعتو زعران بشركه
انا بقول بشو نجحتو
بالصور المفبركه
منكو مقهور من زمان
ولهلق ما عم بحكي
كيف تآمرتو علينا
مع السعودي والتركي
تركو تهمة الجهاد
وبلشو بتهمة الموساد
اللعبه انكشفت يا أوغاد
والسوري حقو يحكي
أبن الشهيد جوعان
ومن البرد عم يبكي
واللي قاعد عا الجبهه
لمين بدو يشكي
بلشتو تهريب وتخريب
بلا حسيب ولا رقيب
ما شفنا ابن مسؤول
أستشهد بمعركه
السوري جاع
منكو يا ضباع
وبلدنا صار بالقاع
وصارت تقيله التركه
وحياتك جاييكو الدور
لو جبتو الف عرعار
السوريي شعب جبار
وإذ بدك لسا بحكي
