ما رح كفّر بجماعتكن
وحاجه تكفّر بجماعتنا
ابتدعو القصه ّ طائفيه
وحياتك أنتو أخوتنا
أنا دمّي رايح بلاش
وأنت دمّك راح بلاش
جمعتنا لقمة العيش
وعدونا الإيد الـ ـسرقتنا
أنتَ عايش برّا مهجّر
وأنا عايش جوّا مهجّر
ها اللعبه لعبة تجار
شو جمعتكن غير جمعتنا
حاجه تقلّي أنت ملّه
ولا رح قلّك نحنا ملّه
ها الملّه سبب ها العله
وكل ّ ملّه فيّا شلّه
شلّه عم بتتاجر فيكو
ونحنا شلّتنا باعتنا
واللي أخترعو الطائفيه
حطو العلّه فيك وفيي
نحنا عشنا مختلفين
وهني أتفقو عا سرقتنا
شيخي لصّ وشيخك لصّ
وفاجر عم بيحرّك فيهن
دمّي ودمّك عم بيمصّ
لازم نوعى من سَكرتنا
بكرا رح يحكي التاريخ
صارت بالأرض سمعتنا
أيد وحده يللّا نقوم
الوطن بيكبر بـ محبتنا
٣/٢٣
عماد فجر بعريني
