لكتب عا أوراق الشجر
سوري وصايبني الطَفر
يا خميس علينا روق
صوت السوي صار مخنوق
بكرا رح نشوفك مشنوق
ومتل العاده يقولو انتحر
لكتب على الزيزفون
لا تقولو أزمه وبتهون
حكومه صابا شرش جنون
وخميس مسجّل خَطر
الليره عم بتشدّ نزول
ما في دخل ولا مدخول
عملنا تقنين بالمأكول
وبعيشتنا حسدنا النَور
والمسؤول عنا كلبان
و يوميّه بدّو نسوان
مشروبو ويسكي و دخان
وراكب سيارة هَمر
لكتب عا طريق الشام
عنا حكومه ولاد حرام
بدنا نترحّم خدام
وأستاذو أيزن هاوار
لكتب عا تحويلة حمص
الدوله معها عقدة نقص
إنجازاتا فقص ورقص
وإتجار بدمّ البشر
بحياتك لا تقول مندسّ
وانت بتحكي متلي هَمس
بلادي صارت متل الحبس
وصار حلم السوري السفر
١/٦ عماد فجر بعريني
