لا تقوليلي ليش مقهور
اللي قاهرني عينيكي
عملتي بيني وبينك سور
يا روحي الحقّ عليكي
لا عشقنا رسمتي حدود
وشعلتي نار وبارود
بدّي أتجاوز الحدود
وأتغزّل بـ عينيكي
عا بُعدك ما حسبت حساب
شعري شاب وشعرك شاب
صار خوفي يضيع الشباب
حكيي من قلبي عليكي
بدّي أعملّك تمثال
عني بيّك شو ما قال
وخيّك إن كنّو رجّال
يشيل أيدي من أيديكي
بعرف أنك مغروره
تسلملي ها التنوره
وخصرك من زغرك ميّال
أسم الله والف عليكي
أنا بكرا طالع أصطاد
وعند الدار اعمل مرصد
وحياتك يا درغلّي
رح جيبك بالسكسيكه
١/٣٠ عماد فجر بعريني
