لا تحكيني بالسياسه

_{لا تحكيني بالسياسه
صاير عم يوجعني راسي}

_{وما بعرف اذ رح واسيك
ولّا حالي فيني واسي}

_{القصه مال وشدّ حبال
واللعبه لعبة كراسي}

_{هادا اللي عامل يميني
وهادا اللي عامل يساري}

_{وبالصدفه بيطلعلك تيس
شاطر بالدفع الخُماسي}

_{لا تحكيني ولا بحكيك
الله يهديني ويهديك}

_{من زمان سفر برلك
ولساتا ضايعه الطاسه}

_{ساعه بيقولو بالصين
وساعه صوب الارجنتين}

_{ساعه بيقولو بإيران
ساعه بقلب الڤاتيكان
عند أصحاب القداسه}

_{روق علينا يا مسكين
هادا العامل الوراثي}

_{صبّ وغب ّ ودقّ الكاسه
مشكلتك قيد الدراسه
٧/١٤
عماد فجر بعريني}