كيلو فجل وكيلو خيار
يعني معاشك طار
فطّ ونطّ وغطّ وحطّ
بمطار التجار
والحاله مأساويه
اللي ببيتو ساكن أجار
واللي عايش عا الأزمه
عم يدبح متل المنشار
وبيطلع عنّا المسؤول
رافع بوزو والمنخار
وبيقول الحاله مليحا
بس المواطن دهدار
بيدو حق ّها المسؤول
وشو ما بدّو يقول يقول
إحساسي ما صار مسؤول
لو ما كان حمار
من كتر قلّة المال
وخصوصي الليره الحلال
حسدنا أهالي الصومال
والأخوان بقندهار
وأنضربت معنا الكلاوي
وصار معنا زحار
والليره صارت بالقاع
بنحكي ما حدا بيسمع
صار صعبه أسما يرجع
وتتحدى الدولار
عملو حماية مستهلك
كلّو كذب وكلو علاك
والضغط بيوصل لا الخمسين
إذ صدفه حضرنا أخبار
بدنا حكومة كفاءات
ما بدنا حكومة تجار
اكلو الاخضر واليابس
وبيقولو علينا حصار
٣/١١/ عماد فجر بعريني
