عا الماني الماني الماني
إسرائيلي وإيراني
قلنا ارتحنا من خدّام
جانا حسن روحاني
من أخوان لا أخوان
رح نبقى العمر نعاني
ولسا مصيبتنا شعبان
جتنا بسمه قضماني
قلنا أرتحنا من طنوّس
طلعلنا فاتح جاموس
كلّو بدّو يعبّي فلوس
وتبقى الجيبي عمراني
مو ناقصنا غير نسوان
وحرم الطيّب أردوغان
وهيفا وهبي من لبنان
واللبعثي والجولاني
كلّو تمثيل بتمثيل
خصوصي عنّا ها البرميل
ووهّاب وناصر قنديل
تجارتنا خسراني
عا الماني الماني الماني
لا تسأل عن احزاني
قلبي مقهور من الكلّ
الجرّه صارت مليانه
حكومتنا والأئئتلاف
نفس المصدر كرخانه
بدّي أعمل ڤيديو كليب
علي حيدر بدّي جيب
ويرقص معاذ الخطيب
مع جمال سليماني
١/٤ عماد فجر بعريني
