عا البساطه البساطه
بخمس ميه البطاطا
وصار لازم ندفع الفين
تا نعمل صحن سلاطه
والشعب السوري صار محمي
عن الفواكه واللحمه
الحرامي معو تخمه
والفقير عايش عا بلاطه
صرلي اربع خمس سنين
عم البس من البالي
وصار لازم أرهن حالي
حتى البس شحاطه
وعنا التاجر صار فاجر
وحامل بيدو شفّاطه
وصاير عم يحلق بالموس
ما فيه زمّه ولا ناموس
والبلد خيار وفقوّس
والاسعار نطّاطه
السمك بدلناه بسردين
والراحه بـهبّول التين
ولحقنا القرّه والسلبين
والبدله صار بدها خياطه
وصار اللي عايش أجار
بها الأزمه راح فراطه
وإذ فجأه بيجي التموين
مو معروف هوّي مع مين
التجار كتير واطيين
والتموين ناس سقاطه
الله يعينك يا فقير
شو بتدفع فواتير
مصروفك قناطير
المدخول بالنقّاطه
وحقك بالسلم فرنكين
وبالحرب رصاصة خطّاطه
٢/٢٠ عماد فجر بعريني
