طالع عا بالي أسأل حالي
ليش العالم ما حبّتنا
برّا وجوّا غير الكلّ
وبالعالم طلعت ريحتنا
الشبيحه كانو من الكلّ
ما شفتو غير شبيحتنا
يمكن الحق ّ علينا
ومنّا وفينا دبيّحتنا
وين الناس الفهمانين
وينك يا مرجعيتنا
ويمكن ما عد شي بيفيد
ما تركنا شي لآاخرتنا
يا ريت شي مره تجينا
وتشوف بعينك حالتنا
نحنا عنوان الحرمان
وما حدا شايل كلمتنا
من أيام السبعينات
ضعنا وانكسرت جرّتنا
ملعون بيّ الطائفيه
أجتمعو وين فيه حراميه
سيخ وهندوس وهازارا
وتلطّو بـ طايفتنا
الظاهر جسمنا لبيّس
وتهمه السلطه لبستنا
ونحنا فقر وقهر وجوع
ومسلوبه حريّتنا
وإذ بقيت الحاله هيك
عا الغربه قربت رجعتنا
نحنا عم بنشدّ رجوع
والعالم كلّا سبقتنا
٢/٢٤ عماد فجر بعريني
