طاق طاق طاقيه
أنا طاقيتي أمميّه
مرسوم عليا الميزان
وتحتو كلمة حريه
ضدّالظلم وضدّ القهر
وضدّ الأمبرياليه
طاقيتي لبسا لينين
بالثوره البلشفيّه
وحارب فيّا غيڤاره
بأمريكا اللاتينيه
طاقيتي ضدّ الأخوان
وشوكه بعين البعثيي
طاقيتي ضدّ الإرهاب
ومع الثوره الأمميه
طاقيتي لبسا شيڤان
وغنّى فيّا بكوردستان
ومهدي عامل من لبنان
وأبطال الجبهه الشعبيه
رسم خيوطا ناجي العلي
ومنها صنع الكوفيّه
وتغزّل فيها النوّاب
باللهجه العراقيه
تحدّت سجون العربان
السادات وصدام حسين
وعهر سعود وأردوغان
وصرخه بوجه الفاشيه
طاقيتي لبسا مانديلا
بسجون العنصريّه
وأطلق صرخه بوجه الكون
العالم بدها حريه
طاقيتي لبسوها رجال
من فلاحين وعمال
مكتوب عليها سوري
باللغه السريانيه
٣/١٢
عماد فجر بعريني
