جاري عنتر عندو بغل
كل ّ شبر بـ ندر ربّاه
سمّاه النمر الوردي
والحقيقه اسمو عليه
عندو غرفه وبحره ودار
صوره زغيره من الشاليه
صرلي شهور وصرلي سنين
عم بحلم بالركبه عليه
أصل خوالو وعمامو
عجم من مزرعة الشاه
جدادو غسان وعدنان
جاري تنقايه نقّاه
عليه حداوي ونضاوي
وصار بالضيعه قدوه وجاه
لمّا اللي بيضرب طناب
صوتو بيوصّل عا الغاب
وبيخافو اهل خطاب
مع ريف حمص وحماه
ولمّا بينهق بالحاره
بتسمع صوتو عشر ضيوع
وموسيقا لا رقص الروك
ورصاص بيطلق وراه
لمّا اللي بيضرب جواز
بيعطي نفط بيعطي غاز
وكل الناس بتدعيلو
وبتترحّم عا الـ ربّاه
١/٧ عماد فجر بعريني
