جاري بو بديع
كلشي بدكّانو بيبيع
عم يحكو بالحاره عليه
قآل عم يدعي للتشييع
صار خوفي منّو بكرا
يدعي للتطبيع
ولو يمشي بسرب خنازير
صدقّني بيضيع
مضروبين فيوزاتو
وعم يمشي تفريع
بتقولو كان ناقصنا
بالحاره مصاريع
وقبل الحرب بحارتنا
كان يلبس ترقيع
جاري بو بديع
بيعتبر الحاره قطيع
والقطيع عم بتطيع شايب ورضيع
جوّا الحاره متل الضبع
وبرّا الحاره حمل وديع
وعندو الختم لكلّ أسم
وعامل حالو بيك علينا
بها الزمن الوضيع
١/٩/ ٢٠١٩ عماد فجر بعريني
