تهدّو علينا شوي يا نسوان
نحنا لازم نطالب بالحقوق
قلبنا من طبعكن محروق
بتبتدي الحكاي
غساله مع جلّاي
وبتنتهي
بسلسال وحلق مع طوق
وموبايل ابن سنتو
نسيتو عند الاهل
كيف كنتو
تلبسو خروق
أكتر من النصّ
إذ شفتها بلا مكياج بتغصّ
وصلنا الأيام
صار اسم الرجل لقلوق
من الصبح بتبلش نقّ
والضهر بتحارب
وبتشوف يا مسكين
لدغ العقارب
وسعرك بسعر مكياج
عم ينباع بالسوق
اكتر من النص
ّ طقّت فيكو العروق
نسوان أخر زمن
عا الوتس شغّاله
مو فارق معا
لو كان الرجل مشنوق
حتى عا التخت صرتو
عم تنامو من فوق
اكتر من النص
بالخمسين وجهلانه
حتى عن ولادها ما عاد سئلانه
بعزّ البرد بتكون ولعانه
وجوزها هربان من الديّانه
وبتقول إلها حقوق
اكتر من النصّ
مشغولين بالصور سيلڤي
وصار الرجل اسمو ولآك
ورفعتن الكلفه
ما بقي علينا غير ها الخلفه
حتى نتساوى بالحقوق
الرحمه لأيام زمان
كيف كانت النسوان
من الصبح حملة سنديان
وبقرات مع عنزات
وتنور وخبز مرقوق
٣/٩ عماد فجر بعريني
