تحيه لوطني

^{تحيه لوطني}

^{بين درعا والقريا
لكتب تحيا سوريا}

^{وتوصل حروفي عا الشام
من النبك لا قدسيا}

^{وصوب الهامه والديماس
توقف تلقي التحيّه}

^{وتعانق ارض بلادي
بعين عرب والشدّاده
وأسكندرون الاسير
وعفرين والمالكيه}

^{وتشرب من زهر الليمون
بطرطوس واللاذقيه}

^{وتوصل عا صلنفه وعا كسب
ومن خوفي من شوية عتب
تقطف ورد وتعصر عنب
من ريف حمص العديّه}

^{توصل وادي النصاره
وتصلّي بالمطرانيه}

^{توصل حدّ القريتين
تعانق قاره وتل منين
الغاب وسلحب وجورين
تا توصل عا السلميه}

^{وتضوي نور بدير الزور
وتهدّي بإدلب شويّه
تلفّ بلادي عرض وطول
سوريا بأما وبيا}

^{لزرع أرضي فلّ وغار
أحميها بدمّ الأحرار
صونا بعيوني وقلبي
واسقيها من طبريا}

^{لكتب على قاسيون
مو منّا يلّي بيخون
ببلادي رح نبقى هون
شوكه بعين الفاشيه}

^{سوريا مهرا غالي
بدمي وروحي بفديّا
٧/١٧
عماد فجر بعريني}