بحياة ربك يا جاره
شو ماركة السياره
عالم عم بيقولو فيات
وعالم لادا سَماره
لمّا بشوفك بالحاره
وعلى عيونك نضّاره
بتروح الميزانيه
وبتطلع معي الحراره
يقبرني البلوز الزهر
ما عليه لا بطن ولا ضهر
صرلي بشوفا من كم شهر
عا طول مفكوكه زرارا
بين الصرّه والغرّه
شفت قنبلة الذرّه
إذ أنفجرت شي مرّه
عا الصين بيوصل نارا
ويمكن تحترق اليابان
ولا الهند تصال حجارا
منّك جنّو البنيّات
وغارت منكي الختياره
وعلى خدودك غمّازات
ما بتوقف عا إشاره
بيهرب منّك شرطي السير
والدفتر والصفّاره
ووزير الداخليه
وبتسقط اكبر وزاره
٣/٢١ عماد فجر بعريني
