الله يلعن ها ها الحاله يا نتالي
عنّا بس السوري رخيص
والباقي كلو غالي يا نتالي
وبيقولولي ليش عريان
وصرنا بنحلم بالبالي
وبيقولولي ليش جوعان
واكلنا من الزباله يا نتالي
تحاربنا وتضاربنا من سبع سنين
طلعت القصه كلّا ضرب رزاله
تفرقنا بالسياسه يا نتالي
أجتمعنا عا حاويات الزباله يا نتالي
أنتي سكنتي بالخيام
وأنا أخدو ابني ومالي يا نتالي
أنا وانتي خسرانين وصرنا عرب رحّاله
ومن طايفتي وطايفتك
أتفقو علينا الحثاله
وحياتك مهرك غالي يا نتالي
من عمري عايش محكوم
وعمري ما كنت والي
قومي نوجّه رساله
كل السوريي أخوه يا نتالي
لو قالو العالم عنك أرهابيه
أنتي السلام بأرضي والعداله
لو كنتي مسيحيه سنيّه علويه
درزيه أسماعيليه
انتي الحق الما بيموت
وأنتي لفظ الجلاله يا نتالي
نتالي حلوه زغيره وبالعشر سنين
سوريه ومتلا الآلاف بها الحاله
١/٢٠/ عماد فجر بعريني
