آه يا أم حماده حلوه وسوريا بلادا
قالتلي أسما جانيت
أنا غيرا ما حبيت
ضيعتها غرب الكفرون
وبالدير حضرت عمادا
قالت اسما جوريه من قضا اللاذقيه
عند أهلا عليّه وبيتا بأول بسنادا
قالتلي طرطوسيه
من الشيخ بدر القمصيّه
قالتلي صافتليي وضيعتها اسما بدادا
قالتلي درعاويه فخر البنت السوريه
حنطيّه من لون الارض
وأعيادي من أعيادا
قالتلتي أنا حمصيّه بيتي بالخالديه
عمامي سكنو بالأرمن
وخوالي بالبيّاضه
قالتلي من السلميه نحنا اهل الحميّه
بشعرك ما فيك عليي
الكلمه نحنا روّادا
قالتلي أنا حمويّه متل العاصي عاصيّه
ضيعتنا عا حدود الغاب
والمعري من أجدادا
قالتلي أنا حلبيه بدور وستي بدريّه
أمّا وبيّا نور العين
وبقلبي خيّا عباده
قالتلي عفرينيه قامشلو الدرباسيه
أسما ثوره وكرديّه
وميلادي من ميلادا
ولمّا شفتا بالساحه
أم عيون الدبّاحه
قالتلي من القرداحه وبيت الخيّر أجدادا
قالتلي من دوير رسلان
زهره وبيتا جنب العين
وحق الانجيل والقرآن
عيونا صواريخ غرادا
١/١٩ /٢٠١٩عماد فجر بعريني
