مجموعة شعرية
شاعر المحرومين أبو كارلوس
________________
من جبال الحرمان اتيت
وأفاخر بالإنتماء
أنشدُ وطنٱ وعداله
شاكيٱ وجع الفقراء
من جبال الحرمان اتيتُ
أشدو بكلمات عابرٱ كل الشعراء
لأواجه ُ كل لصوص وطني
من قوّادين ووزراء
فما زال ينضحُ من وطني
صوت الشرفاء
وصوت الأيتام يقاوم
كل فنون القتل مع بقايا الاشلاء
وما زالت حراءر وطني تضعنّ الحنه
والحنه كرامه ودماء
٥/١٧
عماد فجر بعريني
______________________
تنقّل يا ملالي
وغازل آل سعود
وزورو الباب العالي
واسجد لليهود
وتنقّل نقله نقله
وعا ضهري خدلك شقله
بكرا رح يكبر عقلي
أنما للصبر حدود
تنقّل مع عزمي بشاره
ونصرلله وبسام جعاره
جيب مجنون المختاره
وخالد العبود
تغزّل بجماعة بكداش
وحطيط وانيس النقّاش
وقنديل وعياش وعليش
وشعلها بارود
تنقّل و جيب الأخوان
وجيب عبد الباري عطوان
وجاهد وانكح نسوان
وأحيي اليوم الموعود
تنقّل مع جيش الأسلام
وكتائب عبدلله عزام
وبقايا الزعبي وخدام
مفتوحه الحدود
تنقّل وأرقص مع بوتين
وغازل أمريكا والصين
الله بعون السوريين
يا بو عيون السود
٥/١٤
عماد فجر بعريني
______________
مجرد رأي سياسي
خارج إطار الدين
وعا قبال الأئمه والمفتين
وأبواق السلاطين
الاب الروحي لماسونية الشرق
ترجّل بعد مئة عام
ضيعان شبابو راح بكير
عزائي للصهيونيه
والمجمع الماسوني
وحريم السلطان
والأنظمه العربيه القوميه والأسلاميه
فخامه وسياده وجلاله وسمّو
والى الازهر ومفتي الديار المقدسه
والمقاومات الاسلاميه لتحرير فلسطين
والأخوان المسلمين
والمرجعيه في قمّ
اتقن توزيع الادوار على الساحه اللبنانيه
نعم لم يكن له خصوم من تحت الطاوله
____________
مبارح تلفوني رنّ
صرلو ما رنّ من شهور
قلت الجوّال يمكن جنّ
وكنت رح جبلو الدكتور
لمّا طلع عندي الصوت
قلت القصه فيها موت
قلّي الو ما ردّيت
عم يحكي ابني ومقهور
قلّي من قدّام البيت
من ساعه سرقو الموتور
جبنا الموتور بالدين
خساره راح بغفلة عين
يلي سرقو كانو تنين
وقتا بلّش دمي يفور
طلعو حسون وعلوش
من حرامية تل حوش
عفيشه نهبو الزاره
وبعدا الحصن وجاني الدور
وقبلا حمص وقبلا الشام
الرقه وحما ودير الزور
بالحقيقه يا شباب
من عنا طلع الإرهاب
سرقو ونهلو واغتصبو
وقالو انتبهو من العرعور
وإذ بقيت الحاله هيك
رح نفتح كتير قبور
٥\١٣
عماد فجر بعريني
_________________
لا تهدديني بالفرد
جايي من جبال الجرد
بالصيف عنا الغطا لحاف
وبالشتي أتحدينا البرد
لا تهدديني بالفرد
بالشيطنه سبقنا القرد
ابن الجبل مضياف
من جبل مصياف
لا دوير الشيخ سعد
بنطال نجم السما بـ الوما
وعا دروبنا بيطلع ورد
ونسهر عا صوت الرعد
بالعصا بنصطاد الفهد
وسيفنا بيدبح بالغمد
من السنديان من الكروم
نقطف شهد
لا تهدديني بالفرد
والعشق عنا مو حرام
ما بنعرف الإجرام والقتل العمد
وطفلنا يحكم عدل بالمهد
من زمان كنا هيك
من قبل ما يحكم مصر
الناصر عبد
شو بدك بعد
قولك بعد بكير
حتى نصير بـ سنّ الرشد
٥/١٢
عماد فجر بعريني
_______________
الليله رح ارمي شباكي
ورح اسبح ضدّ التيار
ورح اطلق صرخه وشاكي
توصل للدكتور بشار
من الحرامي بدنا التار
ومن الفاسد بدنا التار
واللي بيحكو متلي كتار
كبار صغار بدنا التار
من التجار من الكبار
ببلدنا كم حرامي
سلبو منّا الكرامه
منن بعثي وإسلامي
وزعران عبدالله الأحمر
وبدنا حكومه شرعيه
تساوي بين الرعيه
ما عد بدنا حراميي
من المحافظ لا المختار
٥/١١
عماد فجر بعريني
______________
ياساره يا ساره
زينة وادي النضارى
ناطرنظره من عيونك
او من ايدك إشاره
من سنين بتغزّل فيكي
و ها العمر راح خساره
الحقيقه يا جماعه
ناطرها ساعه بساعه
ولمّا رفعت السمّاعه
طلع ما في حراره
ريتو تسلملي عيونا
من احلى جنون جنونا
صابوني سهام عيونا
ورميوني بالدينارا
من يوم اللي حبيّتا
ما حاكتني ولا احكيتا
طلعت من مرمريتا
من لون الارض سماره
تواعدنا تحت التينه
صيّاد وسقليني
وحامل بيدي مرتيني
باروده تسعه عيارا
عيون العشاق عليكي
بتشفي لمسة ايديكي
رح صيدك بالسكسيكه
تهدّي عليي يا جارا
بحياتك يا سقليني
يلّي فيي مكفّيني
انتي يلّي رميتيني
ورحت بشربة سيكارا
٥/١٠
عماد فجر بعريني
__________________
في ذكرى الشهداء
قد لا أتذكرُ كل الأسماء
مُحمد ومُهند أحمد وعلاء
وأسامه وحسن وعلي وإباء
ونارٌ تلتهمُ الأحشاء
هم أجملُ من أسماء ُ الله
الحسنى شرفٌ ووفاء
في وطني
يجوع ُ ذوي الشهداء
ويحتفلونَ بحذاء
في وطني
رجالٌ عادو أشلاء
ويفاخرُ بالنصر ِ الجبناء
والجَهَله يقودو الحكماء
في وطني
والدةُ شهيد تطلبُ من عاهرة ِ
أستجداء أو ثمن ُ دواء
في وطني
مصاصي الدماء
يقيمونَ صلاة الأستسقاء
ولصوصٌ على اضرحة ِ الشهداء
شربو الخمر
وأقامو حفلاتُ شواء
في وطني
قتلو العنقاء
وأغتصبو الحوراء
وعاهرة تُحرك ثلاثُ وزراء
في وطني يموت الفقراء
ويُفتتح مزاد السفهاء
فيرسو ثمن الواحدُ منّا
لا يتجاوز خمس ٍ
من عُلب ِالحمّص والبازلاء
يقتلني مكرُ الخبثاء
وقوّادين ارتكبو الفحشاء
من الآف الخطباء
وتجّار دم الشهداء
هل بتّنا في عصر جنون
يسكنُ فينا فرعون َوآمون
ولا يوجدُ عقلاء
قسمٱ بدم الشهداء
من يذبحنا
ويجوعنا هم شركاء
المجد لوطني
٥/٩
عماد فجر بعريني
_________________
يا حلوة الحلوات
ها الباب أفتحي
تا صارحك بـ حبي أنا مستحي
نزل الشتي
وصرنا بشهر تشرين
وأسمك على الحيطان
بكرا بينمحي
وخايف لا بكرا تمرق الأيام
وتهاجر طيور اليمام
شو بقي من هاالعمر يا أحلام
ب قلب مقهور لا تجرحي
برداية الشباك عم بتلوح
وقلبي معا بيلوح
لو تعرفي ها القلب شو مجروح
وأنتي بعيونك فيه
عم تدبحي
بشوفك متل شمس الدني
من كم شهر من كم سنه
وخيالك بشوفو على البرداي
لمّا بتشلحي
قدّام كل الناس
رح اعبر خطوط التماس
بحربك معي مابتربحي
روحي رح تطالك لو تطيري
لاتراهني عا الحب والغيري
خوفي لبكرا الصبح
يكون قلبي صحي
٥/٨
عماد فجر بعريني
________________
كلشي وفي عنّا بعث
ها البلد ماشي بالعكس
الفاسد بيبقى واجهه
والشعب رايح دعس
لا تسألو شو عرّفك
عندي حدس
ومجلس شعب سكران
عهر ودعاره وجنس
والأحرار رح يرجعو عا الحبس
والناس ضد الظلم
تحكي همس
وحتى تصير مسؤول
لازم تطيع الغول
وتدفعلو الثلث
وكل عشر سنين
رح يجينا ميليس
واللصّ والزنديق
صار بها البلد عنتر عبس
والاشراف دخلو بسنّ اليأس
السوري شعب جبّار
ما بدّو وصايه
من العثماني والفرس
يا ريت من اللي صار
نكون خدنا الدرس
بدنا صداقه صادقه بين الدول
والندّ للندّ ما تكون تابع
مع شروط فيها خبث
بلادنا لولادنا
ماهي مزرعه أو إرث
وما بنقبل العيش الدنس
بأسم تحرير القدس
٥/٧
عماد فجر بعريني
________________
صور من حياتنا ....
جاري مشغول ومحتار
قال بكرا جاييه ضيوف
جاب بندوره جاب خيار
وبدّو يدبحلن شلوف
وزنو بيطلع كيلو ونصّ
وعا فخادو مافي غضروف
وبالساعه بيضرب مشوار
صوب حارة بيت معروف
وزروّف كتير مشغوله
بالفتوش والتبوله
ضغطا صار أربع ميه
وعتلانه همّ المصروف
ومراتو طاير دينا
من كهنا عَقَد جبينا
وبوقت الضيق عندا سليق
جرجير وقرّه مع لوف
صطوّف ومرتو زرّوف
عايش فقير ومنتوف
الله يعينك يا صطوّف
عا عشرة مرتك زرّوف
جازه طلعت خسرانه
كان احسن غنمه وخاروف
وفجأه من بيت الجيران
سمعت صوات وضرب كفوف
جاري بأيدو زنّار
ومرتو بإيدا كلاشنكوف
قلّي بدي ربّيا
ورح وديّا لا بيّا
يا جاري الحق عليّا
وإذ جيت بعينك بتشوف
عيب عليكو يا جيران
بإيدي طفيّت النيران
بتقول ثوره بإيران
والمطبخ ما فيه رفوف
٥/٦
عماد فجر بعريني
____________
