xewna di avzelêlkê de
dîsa li me ferman e
gelîyê laleş
dîsa bi mij û dûman e
ferişt û Tawizî Melek
di hanê de negihane
dîsa Şingala şewitî
ola gola simoqiyan
bi xem û lavên Êzîdxan
reşa xwe girêdane ... !!.
dîsa asîmanên xewnê
bi alên reş kumkumîne
û tenûrên yezdanan
bi kînê himhimîne
Dergehê dojehê vebû
Agir bi pêl û rivîn e
Xwe vedigurizîne
hişk û Ter dilehfirîne !! ..
li canên jar û mişextan
Kevirên zaxor û bestan
bûne pêt
cencal û zarezar e
li hawîr şeyda û şêt
Wachs li vê dîmena kirêt !! ..
li nav lepên Zebaniyan
pêsîrên dapîran diweşiyan
terişîn memikên keçan
li ber qîlên hov û Hirçan !!.
Peyvên min xwe veşarti
