يا مشايخنا عيق عيق
بكرا جاييكو العليق
كم يوم وعيد الاضحى
برغل ولحمه عا الريق
بكرا بيطوف المعلاق
صحون طناجر وملاعيق
وصف طباق وصف صدور
وبيبلش صوت النهيق
شيخ بالحصه مو رضيان
وشيخ بدو فوق الالفين
وشيخ من الوسخ جربان
طولّنا ما عرفنا نفيق
مشايخنا بيكونو وفد
ثعلب وشيطان وقرد
وكلّو بدـو لحم الفخد
وبالسرّ عملو تنسيق
يلي رح تعمل ها العيد
وحياتك ما بتستفيد
مشايخنا بدّا مُبيد
تخوزقنا وحاجه خوازيق
وزّع لا ابن الشهيد
والايتام الـ عا الطريق
٨/٨
عماد فجر بعريني
