يا طير يا رايح عا ضيعتنا
خبّر بلادي وقلّها أشتقنا
أشتقنا على كروم العنب والتين
عا اكلة الدردار والسلبين
أشتقنا على الدار وعا بقرتنا
للجرن للصيوان
وجدي وشروالو
عم يدرج الدخان
أشتقنا لكرسي القشّ للديوان
اشتقنا لحنتطنا
عا المخل عا المعدول عا الشاعوب
التنور والكاره مع الببور
لا أكلة شمندور
أشتقنا لخربتنا
للموقده لا سراج سهرتنا
عا العين عا النبعه
اشتقنا على الراوي لا كيلتنا
أشتقنا على الخابه ولا جرّتنا
اشتقنا لمكدوسات جارتنا
للصمد للنير للساموك
للمرج عا بيادر حارتنا
عا لمّة الدوّام للعنزات
للديك للقنّ للجيجات
وستي وجدي وأجمل حكايات
الزير والهلالي
والضبعه اللي هجمت عا حارتنا
وكركي على النار ناطرا العنبات
وسطل النحاس
ومقلي الفخار الفيه طبختنا
للمدحله للمنحله
اشتقنا لجمعتنا
يا طير من حالي انا مقهور
ضاقت الدنيا علينا بغربتنا
