يا رايح عا السلميه خدني مشوار

^{يا رايح عا السلميه
خدني مشوار
بدي ازرع ريحانه مع شجرة غار}

^{مشتاق شوف حبابي
وكل صحابي
أمشي بدرب الماغوط
وبوّس لحجار}

^{بدي زور الصبوره
حاره حاره
واخد فيها كم صوره
يبقو تذكار}

^{وتل عبد العزيز زورا
وزور ارض الشعّار}

^{بدّي زور الأقارب بـ عقارب
وصوب المبعوجه أتحدى داعش وحارب
واكتب منصوره بلادي
وعزّك يا دار}

^{خدني عا تل التوت
وصوب الكافات
وخلي البنت السوريه
تحكي حكايات
من روابي السلميه
طلعت ٱيات
عليها توقيع مظفر
باسم الاحرار}

^{وميّل صوب الصافيه
أشتقنا للدار}

^{خدني عا تلدره وعلى خنيفس
وخبرهم جوّا بقلبي
لو مهما صار}

^{يا رايح عا السلميّه
خدلي مرسال
على جناح اليمامه
وصوت القوّال
الناي تغني يا بلادي
في عنا رجال
و يرندح للكرامه صوت الكيتار
٧/٢٤
عماد فجر بعريني}