يا رايحه عا النبع
تا تملّي
حاطه جرّه عا الكتف
وبيدك حامله الدلّه
لو تعرفي بس النبع شو قلّي
قلّي بشوفا ملبّكي
وبعيونها شوية حكي
وعليي عم ترتكي
وعم تحتمي بظلّي
وبشوف راس النهد
لمّا بتنحني
وعطرها بيفوح
بيشبه ريحة الفلّه
وعا شويّ
رح يطلع حكي منّي
ضلّي ولا تفلّي
يا ريت تفهم ها البنت
تا قلّها من ميّتي أتحلي
ومهرها بدفع الف عصملي
صرت غار من النبع
يا ريت ها الحكيات
ما قلّي
قالتلي يا مسكين
لو تدفع ملايين
ما فيك توصلّي
رح قوم أهجم عا النبع
وحاصر توبها الشفّاف
وأعتبرو أرض محتله
٣/١٤ عماد فجر بعريني
