يا جاي من عاصي حما
تحوشي الكما
وبيدك حامله السكين
من بعد حسيا بها الفلا
شفتك شرق شمسين
شفتك بقاره والنبك
وعا حدود تل منين
شفتك بإيدك حامه السلّه
بحمص بابا عمر والزهرا
بالحوله وخربة التين
عم تقطفي الهيلون والسلبين
شفتك بصافيتا ومرمريتا
شفتك ب تنورين
شفتك عم تحوشي القطن
من الغاب من جورين
من إدلب الخضرا
من قضا سرمين
شفتك عم تحوشي العنب
من شمالي حلب
ما بين دابق وأخترين
وقلبي ارتمى بين الكما
من يوم شفتك بأرض عفرين
شفتك ب.قامشلو ب لميادين
وبيوم علقت حرب
ما بين شرق وغرب
تفرقنا بأسم الدين
قومي تانمشي سوا
من بعد حرب ٨ سنين
ونصرخ بوشّ الدني
يللا ارحلو
رح نرجع سوا سوريين
ولادي مع ولادك سوا
رح يلعبو
بكرا اللي حملو سلاح
رح يتعبو
طعم الفراق بين الأهل
ما اصعبو
ببلادنا قتلو الفرح
والشمس غابت والقمر
وجهو حزين
٤/٢٣
عماد فجر بعريني
