وتبقى وجهتنا فلسطين
يمّه هاتي الكوفيّه
وعبّي لسلاح
بكرا راجع لا حيفا
اعطيني المفتاح
وبدربي عا البيّاره
وهاك الحاره
أرض بلادي يا يمّه
عطرا فوّاح
ما بنسى وصيّة بيي
مو بس الضفه الغربيه
بلادي من البحر لا النهر
ومن الناقوره لا رفح
ماني ناطر بو مازن
يرسم لحدود
ولا مشعل
ولا عبدلله شلّح
سامع عكا بتنادي
وين ولادي
بثوره الحجاره قهرنا السفّاح
وإذا نلت الشهاده
أفتخري يمّه
قومي أحملي بـ نعشي
وضمّي لجراح
أبن العرب يا يمّه طلع خوّان
دبحونا بـ عمّان بجبل الحسين
وصبرا شاتيلا دبحو النسوان
بالخناجر يا يمّه وطعن لرماح
العين تحدّت المخرز
بـ تل الزعتر
بيرخص كرمال بلادي
دمّ وأرواح
بدمّ محمد الدرّه
كتبنا فلسطين حره
وبالمقلاع يا يمّه
أقهرنا السفاح
وبأموال ٱل سعود
راح سلاح لليهود
باعتنا ارض الكنانه يا يمه
وٱل تاني وقابوس
وٱل الصباح
٣/٢٩
عماد فجر بعريني
