هوّر يا بو الهوّاره
مشايخنا دخلو الحاره
قالو بكرا عيد النصّ
وجاري عامل غفّاره
شيخ مهموك وتعبان
ومبيّن عنّو جوعان
وشيخ من رباطو فلتان
وشيخ ماشي غندارا
وشيخ كان شرطي نظاره
وشيخ خدام زياره
ستّه سبعه بطابور
لحقو عياد ولحقو ندور
شبهّتن بشهود الزور
ومتل فرق الدعاره
وجاري محتار ومشغول
ولحمة ضانه ولحم عجول
حمّص باذنجان تبوّل
ومرتو عم توقد نارا
قلّي جاري تفضّل زور
وصلو مشايخ بيت خضور
شيخ نزل عليه النور
وشيخ بيشفي المراره
وقلّي رح جبلن مشروب
عرق بلدي مو مضروب
مع بيره لبنانيه
وويسكي أبو قطاره
وجاي مشايخ من لبنان
ومشايخ من آل عمران
وبو عدنان شيخ النسوان
طلعت معي الحراره
وعم قول من الصبحيات
شامم ريحة قذاره
الحكي بسرّك يا جاري
عمرن ما دخلو داري
انا من قطيع العيان
خاروفك جبتو بالدين
وأعيادك حقا فرنكين
وكلو خساره بخساره
٤/١٦
عماد فجر بعريني
