هدّوني هدّوني
إذ فيكو تهدّوني
ما رح صفّق للحرامي
مهما حاصروني
سرقوك وسرقوني
لصوص المعونه
باعو الحمّص باعو الفول
باعو المعكرونه
ومن السكر ومن الزيت
جمعو ملايين الليرات
وفرشات وبطانيات
وباعو علب التونه
فتحو محلات بالسوق
وصار بيك اللي كان لقلوق
اللي تحت بيعطي اللي فوق
وكلّو بالكرتونه
بكل ضيعه حطو شبيح
قليح بيحمي قليح
سرقو حقوق الجريح
أولاد الممحونه
عنا بضيعتنا ديوس
من المعونه جمع فلوس
قبل الازمه كان جوعان
صار بالسرقه مهووس
عندو محلّ بطرطوس
وشقه ببيت كمونه
وتحت راية شهدا الجيش
سرقو ونهبو ها الأوباش
الفقير رايح بلاش
بها الحرب الملعونه
والبعثي متل العاده
عم يحمي الحرامي
وكلو صارو صرامي
لا حرامي المعونه
اللي بضيعتنا بيحكي الحق
بيقولو خاين وانشقّ
يا مساكين كلتو الدقّ
وبكرا تذكروني
٤/٢
عماد فجر بعريني
