مشايخنا عملو طاقه
وساقو ها الناس سواقه
نشرو الجهل بضيع السهل
شله فقدت أخلاقا
وعنّا الشيخ بعالي الجرد
جاب الفوضى الخلّاقه
عا راسو لفحه وبريم
متل الشيطان الرجيم
إن صادف جنس الحريم
عيونو بتضرب عا ساقا
لما بيمشي ضارب كرش
عليه سنان بتجرش جَرش
ودقنو شبهّتا بالحرش
ما بيعرف الأناقه
بيضرب ضانه بيضرب دهن
وبرغل بالزيت وبالسمن
بيهجم ما بياخد الإذن
وأيدو ديمٱ سبّاقا
ولمّا بيضرب شرش الكهن
متل هيجان الناقه
وصاير بأيام العيد
بيعطي لا الناس مواعيد
بدّو حصّه وبوسة إيد
ومرتو بتكون سرّاقه
ولا تفكر فيك تهدّيه
الا برشمه وخناقه
بيحمل موبايل عا اللمس
معبّى بأفلام السكس
بعيونو بتشوف الخبث
وشكلو متل الخفّاقه
تجار الدين مصيبه
القعده معهم حماقه
عرعور يحاكي عرعور
وكل عرعور عندو طاقه
شوفو كيف سبقتنا الأمم
كلو بالعقل وبالعلم
لازم نطلع من ها العتم
ونعبر للمجد بطلاقه
٢/٧ عماد فجر بعريني
