مسكينه يا سوريا
شوفو شو عملو فيّا
جابو داعش والنصره
وقالو الله يحميا
القصّه محبوكه من زمان
بين البعث والأخوان
والسعوديه وإيران
وإسرائيل وتركيا
عندن غرفة عمليات
بإشراف الماسونيه
وعندن الف فزّاعه
من الأحزاب الدينيه
ما تركو عنّا خيرات
نهبو وسرقو المليارات
وبالأخر هدمو الحارات
عا السكان اللي فيّا
الإيراني فوسفات وغاز
والتركي عفرين واعزاز
والأمريكي نهب النفط
والروسي بفكرو يسبيّا
بلادي شبه مباعه
حطو الإرهاب شمّاعه
الطاعه لا بو فرّاعه
غير البدّو يهديّا
عملو ها بقره حلّابه
لا عشرين عصابه
مشكلة بلادي يا ناس
ها الزعران اللي فيّا
٣/١٣ عماد فجر بعريني
