في جمهورية الموزمبيق
اسيادٌ ورقيق
الكرامه مقابل العليق
والعليق مُقابل التصفيق
والتصفيق يبدأ بالنهيق
وحكام نقضت كل المواثيق
في جمهورية الموزمبيق
يُحرق الدقيق
أقزام بالإعلام
وازلام تعبدُ اصنام
وغلام ينكح الإمام
وسجون لطائر الفينيق
يُذبح العقلاء
بقوانين الجهلاء
والمجرم طليق
وحكماء ابدعو بتنجير الخوازيق
والشقيق يفتكُ بالشقيق
في جمهورية الموزمبيق
اعراب بدأو بالخراب
وأحبه في الأغتراب
ووجوه من البلطيق
وقطيع تسجد وتطيع
وحكام تبيع
وخارطة طريق وسجون
من المضيق الى المضيق
٦/٢
عماد فجر بعريني
_____________
يا ظريف الطول
والوجه الضحوك
معتّر يا سوري
بالفقر رميوك
مع نفس الشله
بإيدا الغلّه
أجتمعو كم ديوس
ومعهم كم منيوك
مبارح وعدوني
حقوقي يعطوني
من كلشي حرموني وحقّك ما عطيوك
بيني وبين لحكومه
بدي اكسر جره
وبدي اعطيها شبر
تحت الصره
ركعو وأنبطحو وعيونن لا برا
وعا الشعب المسكين
علينا عملو ديوك
ما عد بدي النفط
وما عد بدي الغاز
صار ربطة الخبز بعتبرا إنجاز
مجبور بكلشي أحكي بالألغاز
يا ناس الخازوق عليكن مبروك
تهدّا يا فاسد ما بدي شاهد
اللعبه مفهومه
كيف جابوك وزرعوك
يا ظريف الطول يا سود العيون
خود جرعة افيون
واسجد لا فرعون
وحياتك ابنك من هلق مديون
ودمّو حقو فرنك
عا بلاط لملوك
٦/١
عماد فجر بعريني
________________
ولك شو قصة ها الاحزاب
وخصوصي اليساريه
خلصنا من البعثي الكذاب
اللي نصنّ اخونجيي
صرت شبيحه عم شوف
بالقوميي السوريي
وبالإراده الشعبيه
شايف كلّ التبعيه
وهون كديش وهون كديش
بالطبخه البكداشيه
واللي مشيو بحزب الترك
بيحكو بالطائفيه
والبعث بكل فروعو
مدرسة مخبرجيي
وكلشي بأحزاب الجبهه
بها الازمه باعو وطنيه
فراطه وسقاطه بتشوف
ببقايا الناصريه
ولا تفكر احسن بكتير
المجموعه الشباطيه
وفي عندك احزاب الدين
قادو ها الشعب المسكين
القبيسيات وداعش
والحركه الشبابيه
قتل وجنس وحوريات
وأيآت شيطانيه
عنا بسوريا الاحزاب
تسعين بالميه كذاب
الشباب السوري محكوم
والقياده واطيي
انا حزبي سوريا
ومكتوب عا الهويه
عرب وكرد وتركمان
وسنه وشيعه وعلويي
الإسماعيلي بعيوني
ودمي دروز ومسيحيي
واحد واحد واحد
بوجه الحراميي
٥/٣١
عماد فجر بعريني
_________________
بدّي أعمل تفطيره
ورح ادفع من دون حساب
مشوي ومقلي وفطيره
ويمكن اطبخ لحم كلاب
وبدي اعزم مشايخنا
وجماعة عبد الوهاب
وتا الله يقبل منّي
وروح بوجهي عا. الجنه
ببلش بشيوخ بقنه
تا اوصل لا حدود الغاب
ومو معقوله عا الفطور
ما جيب كم بعثي كذاب
مشايخنا إن شافو الاكل
جيفه ومليانه ذباب
ما عد تسمع غير الطحم
وطحن جوانح طحن رقاب
فروج بإيدو اليمين
وربطة خبز عا الركاب
وبرغل ويخنه وعيران
وخمره وما لذّ َ وطاب
ما في تحليل وتحريم
بيجيبو الفتوى من كتاب
وقرعه وقرصوبه والقعز
ولسانو بيدخل بين لجناب
خايف جبلن لحمة كرّ
يقولو لحمو قاسي ومرّ
الحقيقه مو قصدي ضرّ
وخوفي تتكسر لنياب
ها الشيخه كتير تمادو
وماعد عرفو جنس العيب
قومو عا الشيخه يا ناس
اغلبهن قطيع دواب
ما بخاف إن حكيو عليي
يا ما حكيو لا بيي
من دور العصمليي
مشايخنا صلب إرهاب
٥/٣٠
عماد فجر بعريني
___________________
أسَرتني روحك ِ سيدتي
فدعيني أُعانقُ ثغرك ِ
وبين النهدين ِ أنام
فأنا لا احتاج ُ لقرار ٍ أممي
لنصب ِ خيام
ولا احتاجُ لمراسيم
كي أضعُ على فمك ِ
الآفُ الأختام
أحتضنيني بيديك ِ
فأنا مازلت ُ في العشق ِ خام
سأنامُ مئات الأعوام
ودعيني أتلذذُ
في النصف الأخر من جسدك
فأنا أبدع من بضع ضفائرك
حِبالٌ للإعدام
وأ ُشيد عليه مقام
ومُنذ خرج َ محمد من مكه
خرجتُ عن دين الإسلام
حطمتُ الاصنام
هزءت ُ الأقزام
تمردت ُ على الحكام
وخرجتُ من طابور الماعز والأغنام
فخذلتني الايام
عُنقي عشقَ السيف
وفمي ما عادَ يقبل بلجام
ودعيني أخط ُ التاريخ على نحرك
سأعيشُ دهورٱ
ثمَ أرقد بسلام
٥/٢٩
عماد فجر بعريني
_______________
هوّر يا بو الهوّاره
شو ها الدنيا الغدّاره
أعمول مليح وشوف الناس
كيف بتضارب بحجارا
العالم مشيت بالمقلوب
اللي بيحكي الحقّ مو محبوب
عندك عالم إلها دنوب
متل دنوب الكرارا
وعندك عالم نسناسه
من الدنيا بدها كناسه
السفاله بالوراثه
وبكلشي بتدحش منخارا
وعندك عالم واطيين
جمعو من السرقه ملايين
صارو وزرا وسلاطين
من التهريب والدعاره
وبلشو بتبييض الأموال
وصارو وشّ السحّارا
وعندك عالم ذوق وعلم
عا الصابيع بينعدّو
أيدون للخير بيمدّو
بها الدنيا طلعو بخساره
العالم بدّا مين يسوق
بيجيبو واحد لقلوق
بيحرق الدنيا كلاّ
حتى يشعّل سيكارا
وعا المنصب بيجيبو رجال
إما واطي او محتال
والله يا ناس من ها الحال
طقّت عندي المراره
٥/٢٨
عماد فجر بعريني
_________________
رسائل شفهيّه
غدٱ سيجتمعُ الأوغاد
ليقتسمو الزاد
والجمهورُ كلاب ٌ مخصيّه
وسيقطع ُ سيف ُ حسينٱ
رأس ُ العبّاس ونحرُ رُقَيه
ويقدّم سيف ُ الفاروق
من الفقراء الفُ ضحيه
وسيتلى بيانُ هزاءمنا بوصيّه
وتجترعُ كأس َ الذلّ
كلّ حروف ِ اللغة ِ العربيه
بأياد ٍ همجيه
ويقوم الأنجاس
باخذ الجزيه
من المحرومين
و بسحب الجنسيه
والتهمه معاداة الصهيونيه
وسيرقصُ طربٱ لصراخنا
أبناءُ الجنيّه
وتُسبى الأوطان
تحت رايات الشعارات الوطنيه
وممانعة ً جنسيه
إنّي اشهدُ عُهر الله
وعهر الهيئات الدوليه
وعهرُ الأنظمة ِ العربيه
مُذ امسى وطني ضحيه
تحت عنوان قضيه
وللحكايه بقيه
٥/٢٧
عماد فجر بعريني
________________
طار العمر متل الحلم
وسنه عم تلحق سنه
ومتل الخيال
مرقت سنين الولدنه
بعزّ الشباب الشعر شاب
غدّار طبعك يا دني
فيق يا صاح
لا تغرّك الدنيا
لو شفتها مزيّنه
بين الامل والحلم
صارت الدنيا مهجّنه
والموت ساوى
بين فقير وبين غني
عشت العمر كلّوقهر
ما يوم قضيّتو هني
غدّار طبعك يا دني
عم تمرق الأيام
عم ننشد سلام
والحان حبّ وأمل
عاجناح اليمام
ومن نظرة الأيتام خلص الكلام
يا مين عا لمسة حنين يدلّني
٥/٢٦
عماد فجر بعريني
_________________
علي بو مخطه عندو قرطه
وممشّى خلفو زعران
هادا يلي كان معتوه
وهادا يلي كان مشبوه
ومنهن طلع من من الحبوس
وعمل دوره بإيران
وفي منهن شغل الاتراك
وإنتاج معامل باراك
بلشو عنّا بالحراك
والوضع الأمني فلتان
وبزمن الحرب بلشو نهب
بأسم الشرق وبأسم الغرب
غير يلّي سرق وهرب
وميزان العدل غفيان
الازعر ما بيعمل دوله
ولا بيجيب أمن وآمان
الله بعون السوريين
وين ما راحو مُتهمين
تهمتنا حرامي وشبيح
والطرف التاني أخوان
السوري شعب الجبّارين
بعمرو ما فرّقنا الدين
فينيق وآراميين
ما بنقبل فينا زعران
٥/٢٥
عماد فجر بعريني
_______________
يعيش يعيش
إذ حبيت تشوف الفقر
أطلع عا ضيع دريكيش
من الدوله بتشوف العهر
فقر وحرمان وتهميش
تسعين بالميّه من الناس
ما فيها تشتري مداس
وعندك عشره بالميه
حرامي ومُرتشي وعفّيش
البيت ال فيه خمس معاشات
اكلن زيتون وقريش
الناس عم تكفر بالعبري
ودروشها يا بو الدراويش
واللي من السرقه جمّع مال
صار عنّا رجل أعمال
بضيعتنا في هيك اندال
وبكل ضيعه فيه كديش
مدعوم من البعثيين
ومشايخنا الواطين
ومن لمّا اللي حكيت الحقّ
بلشو تحريض وتجييش
القصه من قبل السبعين
اجيال عاشو مرهونين
لمشروع الواطيين
هيك بدّو بنيامين
وهتفو يعيش يعيش
٥/٢٤
عماد فجر بعريني
______________
جاري ابن النايحه
يوميّه بيشكي وبينوح
عقلو من العصر الحجري
وعايش بعدو بزمن نوح
بيّو كان يمشي حفيان
عا الحواش وجبل شلوح
من شي اربع خمس سنين
سكن بحارة بيت مسوّح
جاري بيملك مليارات
وأموال بالخمس قارات
ومعو اربع جنسيات
ويوميّه بيشكي وبينوح
بياكل بيضه مقليه
وعمرو ما داق الليي
عايش عا العشبه البريّه
قرّه ودردار وقيلوح
وما بتطلع منّو الليره
لو شاف ابنو مدبوح
جاري الف اسم لله عليه
اذ بتشوفو بتبكي عليه
مليارات وسيارات
وعايش عيشة سنكوح
جاري بيحبّ العمله
إن مكنو بيحلب القمله
مو قصدي شنّ حمله
قلبي من المتلو مجروح
وماني مطوّل بالحاره
كلّا كم يوم ورح روح
٥/٢٣
عماد فجر بعريني
________________
من أركان الإيمان
يكون اصلك من بيت فلان
من اركان الإيمان
تكون عرصا وتلحق نسوان
وتصفّق لفلان
وتحكي بأسم فلان
وبيك موالي للبعث
وأمك مع حزب الأخوان
من اركان الإيمان
تقول نحنا الصحّ
وتكفّر باقي الأديان
ويكون ما عندك أخلاق
ولا فيك تعيش بوجدان
وتعيش بكوخ وتمسح جوخ
ويوميه تلحوس سيقان
وها القصه ما بّدا كتير
دقن ولفّه ومزويّه
وتحفظ كم ايه من القرآن
رح تمشي خلفك ضيعتنا
ونصّ دوير رسلان
ولحكومه تعلّق لك نيشان
لا تخاف من كلماتي
اكتر العالم عميان
٥/٢٢
عماد فجر بعريني
______________
يا جاي من الغربه
ورايحه تغريب
نور الشمس عا جبينك
مضوّى الدني
وعا نحرك صليب
عرفتك انا من حزن عينيكي
من ريحة الطيب
قلبي انكسر من يوم
ما تركتي الوطن والجرح
عا البعد ما عد يعرف يطيب
رح خبرك عن حلم شفتو رهيب
متلك غريب بها الوطن
شو بينفع طبيب
علينا الزمن جار
موت ودمار ونار
والشمس طلعت عا اصفرار
وبلشو بها الوطن تخريب
وصارت بلدنا محرقه
من الدير لا عفرين لا الرقّه
وما بين حلب والشام
نصبو خيام وصلت لمعبر نصيب
ومتراس مع قناص
وطرقات مقطوعه بدواليب
يا جاي من غربتك
جايي بآخر ها الزمان
ياما بعتت مرسال ومكاتيب
قبل ما تفنى الدني
ويغتالو العندليب
٥/٢١
عماد فجر بعريني
________________
عنّا شيخ بضيعتنا
عندو خلطه عجيبه
ويوميّه من الصبحيات
بيكتب عشرين كتيبه
فيها يحلل ويحرّم
وكان ينط عا ديبي
كتيبه تحميك من العين
وكتيبه تشيل المصيبه
يوميه عندو زوار
بيشفي من زنّار النار
بيّو وجدّو صارو مزار
وبيتو بيشبه لزريبه
وفيه ناس قالو بيشفي
وبيحاكي الله بالمخفي
وبيشفي من الشلل النصفي
وللسيدا عندو تركيبه
وقالو كان يحاكي الجان
وبأيدو خاتم سليمان
منّو كتير حبلو نسوان
ولادو بعدد كَتيبه
والناس تقدّ س روحو
صابتني دهشه وريبه
ويوميه بسأل حالي
مين ركّب ها التركيبه
فيقو وانتبهو يا ناس
من بطيحان ومن جساس
مافي شي اسمو مقدّس
تجار الدين مصيبه
٥/٢٠
عماد فجر بعريني
______________
بكرا رح زور الرءيس.
وبيني وبينو رح قلّو
بدي بلّش ب خميس.
وعليهن كلّن رح دلّو
كلّ المسؤولين لصوص
وعن الاخلاق تخلو
والشبيحه والتجار
بلدنا كلّا احتلو
ولحكومه والإدارات
ومجلس الشعب كلّو
الجمعيات والنقابات
وكلّو عم ينهب كلّو
والشرطه والبلديات
الهن صاحب ما خلّو
والقضاء عنا غاب
والقاضي تاجر رح قلّو
العالم صارت بالويلات
ويا ريت عنّا يفلّو
واللي مفكّر يحكي الحقّ
الامن عليه بيدّلو
والبعثيي متل العاده
عن الكذب ما ملّو
ولاد الشهدا والجرحى
يوميّه عم ينذلّو
ونصّ السوريي جوعان
غير اللي تركو وفلّو
٥/١٩
عماد فجر بعريني
________________
أنصبو ليَ المشنقه
واوقدو لجسدي المحرقه
واودعوني في الغياهب
عشرون عام وقيّدو معصمي
فما زالت يداي
تحتضنُ المنجل والمطرقه
انصبو لي َ المشنقه
أستدعو الأحتياط
والآف الظبّاط
من بغداد الى الرباط
وكل ابناء الزندقه
رايتي حمراءوحبيبتي سمراء
أنا صرخة ُ الفقراء
فحاصروني
واكيلو التهم المسبقه
فمن جرحي َ النازف
رسمتُ أحلامي
وكلماتي باتت مُعَلقه
فأنا أبا ذرّ الغفاري
ونسبي غيڤاري
وشمسي على الكون مشرقه
فما نفعُ المحرقه
وانا سيد الرجال
عشقتُ الغِلال
لن تهنىء عيشتي
قبلَ قطعُ اليد ِ السارقه
انصبو لي َ المشنقه
٥/١٨
عماد فجر بعريني
