مجرّد رأي
جاري عندو محل مولدات
مبسوط لأنو ما فيه كهربا
وجاري التاني دكتور مبسوط
لزيادة نسبة السرطانات
وجاري شرطي بيكيّف اذ صار حادث وراح شي خمس قتلى كرمال ٥٠٠ ليره
وجار كان جمركجي معو مليار
وهلق بعد اللي تقاعد صار مو عاجبو الرئيس
وجاري عندو تنور بيتمنا
اسرائيل تقصف الأفران كلا
وووووووووو.......
جاري الرابع بعثي باس صرامي اللي بيعرفن من الامن حتى يشحطوني بعد ما فشلت التقارير اللي بعتا فيي يعني /الامن /صار ارحم من جاري رغم انو جوعان متلي وشبه عريان
وجاري وقرايبي عسكري احتياط
ميت من الجوع هوي واسرتو
ما عطوه بوط يلبسو
وجارتنا زوجا شهيد وعندا اطفال
صار حلما يجو السيّاح. السعوديين
حتى تشتري تياب جديده لولادا بالعيد
وعندي جار بيضل عا السطح يراقب الناس هاد وين راح وهاي ليش لابسه اسود اخونا لسا ما طلع من ثقافة علي دوبا والحاله عامع مو بس عندو
نحنا افتقدنا للأنسانيه
بعد اللي تعودنا نعيش بلا كرامه
هاي ثقافه الغابه اللي اشتغل عليا البعث
من السبعينات حتى العام الفين
تفتيت المجتمع السوري بكل اطيافه
كانت المهمه الأساسيه
وكلّو عم يجينا تفصيل
من شرطي البلديه ورجل الدين
وانت طالع
وصارت ثقافة السوري
مين ما اخد امي صار عمي
وبنصفقلو
بالأذن من وليد بيك
نحن الى أين
