لا تنسى تغلي الأبريق
وأشرب المته عا الريق
بتحمي القلب من الجلطه
وبالشريان ما بيبقى ضيق
مع سيكاره الصبحيّات
فيها إثاره وتشويق
ناوي الليله قلّك سرّ
ما بتنفع ولا بتضرّ
عشبه خضرا وطعما مرّ
المتّه مشروب ملّيق
والوالي كبور أخوان
عم بيجيبا بصناديق
شو ها العاده السريّه
ماهي عسل من الرحيق
جابوها من الارجنتين
وللشرقي صارت عليق
جَمعه هون وجَمعه هون
بالحاره ١٢ فريق
وأركيله وبذر ودخان
وقعده بجب الطريق
انا شايف من ها المشروب
العالم صار عقلا مضروب
عالم مشيو بالمقلوب
وفي عالم بلشت نهيق
بتقولو ناقصنا هَبل
لا شعب الساحل والجبل
جابت الضعف والكسل
نمنا ويدري الله نفيق
بو هريره كان يقول
كانت مشروب الرسول
والصحابه وآل البيت
وسيدي بو بكر الصدّيق
وشربو منّا بغزوة خيبر
وبلال لمّا شربا كبرّ
وهبه من الله الجبار
عشبه تاريخا عريق
٨/٣
عماد فجر بعريني
