لا تحكمني باسم الدين
ودين المتلك بدّو دين
العفو منّك يا زياد
ما بيكفي حرف الشين
بدنا حروف اللغه كلّا
وكم حرف معو هجين
من الفقر بكفر وبسبّ
وعم فكر اتحدى الربّ
يلّي بيعطي توكيلات
لشلّة ناس واطيين
الشعب صار عايش مديون
شوف حالتنا يا بو دين
يمكن دينك كذبه كبيره
وما معك دين تخمين
أنا ديني دفعتو ديون
ودينك صار دين مجانين
أيّا دين دخلك قلي
وأنت عندك ملايين
عم بتصفّق للإيراني
وتمجّد اخونا بوتين
أنت الي ساكن بقصور
وحسدتنا عا بيوت الطين
وسيارات وزيارات
ونخبه من أحلى النسوين
ونحنا فقر وذلّ وجوع
صار أسمنا محرومين
حقي منّك بدي أياه
وبديني عملت تقنين
وحاجه بدمي بقا تفتي
أنت يا شيخ المفتين
٢/٢٣ عماد فجر بعريني
