عنّا بالضيعه خنزير
العالم من شكلو بتخاف
صرلو من سنة السبعين
ساكن بضهر الشفشاف
لمّا اللي بصوتو بيعجّ
بيوصل لا بيت الوقّاف
طولو بيطلع بالمترين
نسونجي وبيحب الكيف
مهيوب وأسود وجهو
عليه رداف وعرض كتاف
وفي عالم قالو جدادو
سكنو ب حرش مصياف
خوالو عاشو بوادي الموت
وعمامو من سهل رياف
ويوميه بدو فطيمه
وخصوصي بشهور الصيف
عا خصرو حامل سيفو
وشكلو بيشبه بو سيّاف
وعا جبينو دمغه حمرا
متل دمغة غورباتشيف
وعا ذمة اللي زاروه
ببيتو كريم ومضياف
عليه نياب عليه مخلب
وعندو وكر بحير الكاف
إن هاج ما فيك تهدّيه
بيهرب من دربو العساف
وعا ذمة اللي شافوه
فاوض بقمّة جنيف
