عنا ّ بضيعتنا شبيح
العالم بتقلّو أستاذ
عن الحرامي بيحامي
وضميرو بيمشي عا الغاز
تنظيمو بحزب البعث
وتحت عيونو فيه غمّاز
مو معقوله قول أسمو
بدي أحكي با الألغاز
خوفي بكرا يحاكمني
وعليي يسجل إنجاز
إذا بتشوفو بتنحمّ
ووجهو عم بينقّط سم ّ
بيمشي بين المسؤولين
وما بيفوتو ولا جنّاز
ساعه بيعمل حالو شيخ
ساعه بتشوفو مسؤول
بتقول ناقصنا أوساخ
وحديثو كلّو نشاذ
لا هيبه عليه ولا طول
و بيشبه شيمون بيريز
بصغرو كان يمشي حفيان
وكان يمشي خلفو الدبّان
وبراسو قمل وصيبان
وكان عايش عا الأبتزاز
٥/١
عماد فجر بعريني
