عا اللوما اللوما اللوما
هدّي اللعبه ياحكومه
أنتي طلعتي ربحانه
وبلادي طلعت مهزوما
يا حكومه هدّي اللعبه
عيشتنا صارت صعبه
عم نترحّم عا الزعبي
العالم دخلت بالكوما
جبتي داعش والنصره
من اسطنبول من البصره
وموزا هزّت بـخصرا
وقلتي الثوره ملغوما
سرقو الآثار من بصرى
ودبحو العسكر بـ دوما
عسكرتونا وما حكينا
جوعّتونا وما حكينا
الظاهر المشكل فينا
وبلادي صارت مقسومه
حصّه أخدا الإيراني
الروسي والأميركاني
والتركي والأفغاني
وأنتي حصّه ياحكومه
ببلادي طلعت ريحه
فضيحه بتلحق فضيحه
الشبيحه والدبّيحه
طلعو ببعضن مغروما
٤/١٥
عماد فجر بعريني
